Пресс-релизы

 

Астаналық цирк 2000 балаға қайырымдылық көрсетілім өткізеді

 

Астананың 20 жылдығын мерекелеу аясында Астаналық циркте 29 сәуір мен 27 мамыр аралығында «Antares» бағдарламасының гастрольдері өтеді.

«Магия Латинской Америки» (Латын Америкасының сиқыры) экзотикалық бағдарламасын ұсынатын қойылымның тұсаукесерін 2000 мүгедек бала, балалар үйлері мен интернаттардың тәрбиеленушілері, сондай-ақ тұрмысы төмен отбасылардан шыққан балалар тамашалай алады.

Жаңа гастрольдік бағдарлама аясында белгілі иллюзионист Филипп Вандюктің шоуы, үйретілген аңдардармен номерлер, сайқымазақтар, гимнасттар мен акробаттар өнері, шабандоздық өнер және т.б. көрермендер назарына ұсынылады.

Таймураз Кануков жетекшілік еткен «Иристон» атты-хореографиялық ансамблі қауіпті трюктер орындайды.

«Antares» шоуына алып тотықұстар, көңілді латынамерикалық шағынтұмсықтылар, қызғылт бірқазан, канадалық дикобраз, орыс түлкісі мен манежде қызықты трюктер орындайтын сібірлік хаскилер тартылған.

Бағдарлама заманауи жарықтық қондырғылармен, сахналық эффектілермен және кәсіби дыбыспен сүйемелденеді.

БАҚ назарына! Ақпарат тарату мәселелері бойынша мына телефондарға хабарласуға болады: 24-40-60; +7 775 6000 630.

 

Астана қаласының мәдениет және спорт басқармасы

Баспасөз баяны:  Астана қаласының 20-жылдық мерейтойына орай, Астана циркінде алғаш рет әйгілі Қазақ мемлекеттік циркінің ұжымдық гастрольдік сапары өтеді.

2018 жылдың 9 наурызы мен 1 сәуір аралығында Астана циркінде Қазақ мемлекеттік циркі «SKIFIY» атты лазерлік шоуын ұсынады.

   Бұл Қазақ мемлекеттік циркінің соңғы 30 жылдағы алғашқы ұжымдық гастрольдік сапары. Әйгілі цирктің алғашқы ұжымдық гастрольдік сапары елордадан бастау алуы кездейсоқтық емес мәні зор бастама.

Қазмемцирктің тарихынан: Қазақ мемлекеттік циркінің ұжымы Бүкілодақтық ұжымдық өнер сайысында  бірнеше мәрте лауреат атанды. (1978 ж., 1982 ж.) Қазақ мемлекеттік циркі 10 жыл қатарынан КСРО-ның үздік цирктік ұжымы деп мойындалды. 1980 жылы  Қазақ мемлекеттік циркі ұжымына «Қазақ КСР ның еңбек сіңірген қайраткері» атағы берілді.

«SKIFIY» цирктік лазерлік шоу бағдарламасында:

«Номад» - салт атты-акробаттық топ; жетекшісі,  америкалық «Оскар» киноакадемиясының иегері, ҚР еңбек сіңірген қайраткері Жайдарбек Күнғожинов; «Жұптық эквилибр»- «Шабыт» VI халықаралық шығармашылық жастар фестивалінің алтын жүлдегерлері Талғат Оңалбаев және Индира Тұтқабекова; «Үйретілген иттер» - жетекшісі, Учао және Ухань қаласында өтетін Халықаралық цирк өнері фестивалінің қола жүлдегері Тимур Қоржұмбаев; «Акробаттық жол» - «Шабыт» XVIII Халқаралық шығармашылық жастар фестивалінің Гран-при иегерлері,  жетекшісі Серік Бурашев; «Үйретілген аюлар» - жетекшісі, жыртқыш аңдардың жаттықтырушысы әйгілі Василий Доронин; «Мачтағы акробаттар» - Халықаралық цирк фестивальдерінің лауреаты Әділет Тиканов пен Камила Күркембаева; «Әуе сақинасы» -Мадина Оразалиева; «Үйретілген ешкілер» - Әсел Бейсекова; «Әуе белдігі» - Дәурен Қадіров және Саят Мұқанов; «Сира доңғалағы» - Дастан Маженов;  «Рен доңғалағыі» - Фарида Аширбакиева, Дмитрий Щадко, Наталья Доронина және Жасұлан Тұрғынбай; «Әуе желкені» - Шынар Әбілғазинова; «Трансформация» - Ләззат  Байтоқанова мен Жадыра Спатаева; «Кор де парель» - Мая Ұлықпанова мен Серікқазы Тiлебалды; «Лазерлік шоу» - Максим Новиков; Ертегілік қойылымда «Азия» атты биші-акробаттық топ жұмыс істейді.

Зұлымның сиқырына батырдың шынайы махаббаты ғана төтеп бере алады. Дала батыры Ер Төстіктің бастан кешкен оқиғалары цирк өнерінің тілімен бейнеленген. Мифтік батырдың жолында көптеген сиқырлы кейіпкерлердің тоғысуы күтілуде: әйгілі Самұрық құсы, Бекторы мен пері, батырдың адал досы Шалқұйрық, Ақсұлу мен көңілді дәруіштер.

Бұл қойылым ғажайып, шытырман оқиға желісіне құрылған.  Бағдарлама үшін цирк жанры бойынша арнайы сценарий жазылып, жаңа таңғажайып цирктік нөмірлер мен бас айналдырарлық трюктер қойылды. Екі жүзден астам дизайнерлік костюмдер тігіліп, ерекше реквизиттер мен жаңа сахналық технологиялар қолданылды.

Сіздермен бірге ғажайып ертегі әлеміне саяхатқа аттану үшін кәсіби сценаристер мен қоюшы-режиссерлер еңбектенді. Назарларыңызға еліміздің маңдай алды композиторларының тамаша шығармалары ұсынылды. Сондай-ақ, суретші-модельерлер, хореографтар мен балетмейстерлер, дыбыс және жарық қоюшы режиссерлер, үйретілген жануарлары мен цирк әртістері өнер көрсетеді! Әртістер өз өнерлерін фантастикалық  лазерлік арнайы эффектілермен, кәсіби сахналық жарық пен дыбыстардың сүйемелдеуімен, LED экрандағы трансформациялық бейнелер мен сахналайды.

Бүлдіршіндерді көктем мерекесінде естен кетпес көңіл-күймен, «Скифия» атты ғажайып ертегі әлемінің кейіпкерлерімен бірге  саяхатқа аттануға шақырамыз!

 

Құрметті тілшілер!

 2018 жылдың 6 наурызы, сейсенбідесағат 14:30КМҚМ «Астана циркінде» «SKIFIY» атты лазерлік шоудың брифингі өтетінін хабарлаймыз.

 Мерекелік іс-шара бағдарламасын Астана қаласының 20-жылдық мерейтойына орай арнайы Қазақ мемлекеттік циркі (Алматы циркі) дайындады.

 2018 жылдың 9 наурызы, жұмадасағат 16:00«SKIFIY» атты лазерлік шоудың тұсаукесері өтеді. Сіздерді осыбір ғажайып қойылымның алғашқы көрермені болуға шақырамыз!

Қосымша мағлұмат

2018 жылдың 9 наурызы мен 1 сәуір аралығында Астана циркінде Қазақ мемлекеттік циркі «SKIFIY» атты лазерлік шоуын ұсынады.

Кейіпкерлер: Ер Төстік, Кенжекей, Бекторы, Ақсулу, Ай, Күн, дәруіштер.

Цирктік бағдарламада: салт-атпен жігіттер, әуе гимнастттары, акробаттар, клоундар, жұптық эквилибр, үйретілген аюлар, салт-аттар, ешкілер, иттер, көгершіндер. Ертегілік қойылымда «Азия» атты биші-акробаттық топ жұмыс істейді.

Астана циркіне хош келдіңіздер!

 Брифингке қатысушылар:

—«Қазақ мемлекеттік циркі» КМҚК директоры Бақыт Бокебаев

—Қоюшы- режиссер Марина Редько

—Лазерлік шоу маманы  Алексей Храменков 

—Цирк артисі Василий Доронин

—Цирк артистері  Әділет Тиканов және Камила Күркембаева

 Өтетін орны: Астана қаласы,

КМҚК «Астана циркі», Қабанбай батыр даңғылы, 5-ші үй

 Акредиттеу бойынша байланыстар:

Динаш Ауталипова (Астана циркі):8 (7172)  24 40 59, 8 775 600 06 30

e- mail: tamga_d@mail.ru; www.circus-astana.kz;

Нургалиева Сауле(Алматы циркі): 8 (727) 394 48 94, 8705 571 88 08

 e- mail: n.saule@circusalmaty.kz;www.circusalmaty.kz

 

 24 желтоқсан мен 9 қаңтар аралығында Астаналық цирк Льюис Кэрролдің «Алиса айнаның арғы бетінде» ертегісінің кейіпкерлерімен қызықты саяхатқа шақырады.

 Қойылымға көңілді сайқымазақтар, әуе гимнасттары, даршылар мен акробаттар, сондай-ақ үйретілген аңдар – африкандық арыстандар, понилер, далматиндер қатысады. Бала кезімізден білетін ертегі қызықты цирк номерлерінің сүйемелдеуімен өтеді. Сонымен қатар, Аяз Ата мен Ақшақар Ақ қоян, Чешир мысығы мен Ақ патшайымды құтқаруға аз ғана уақыты қалған Алисаға көмектеседі. Алиса достарының көмегімен Қызыл патшайым мен оның арыстандарын жеңеді.

 Спектакль барысында кішкентай көрермендер Алисаның шытырмандары мен астаналық цирк әртістері дайындаған номерлерге қатысады. «Алиса айнаның арғы бетінде» ертегісімен таныс ересектер фокустар мен ғажайыптарды, жаңажылдық спектакльдің декорациялары мен түрлі эффектілерді тамашалап, тәнті болады.

Астаналық цирк елорда тұрғындары мен қонақтарын жаңажылдық каникулда балалармен бірге «Алиса айнаның арғы бетінде» ертегісін көруге шақырады.

Анықтама телефондары: 24 40 60, 25 40 61, + 7 702 495 03 03.

 

Все права защинены
Сделано в Тайной комнате
КУПИТЬ БИЛЕТ